ಕಂಗಳಲಿ ನಾಚಿ.. ರಂಗಾದ ಮುತ್ತು...

ತುಟಿಗೆ

ಬಾರದ ಮಾತು

ಭಾವ...

ನನ್ನೆದೆಯ 

ಢವ 

ಢವದಲಿ ಹುದುಗಿ ಹೋಗುವ ಮುನ್ನ...

ಕೆನ್ನೆಯಲಿ ನಾಚಿ  ರಂಗಾಗಿ..
ಈ 
ನಿನ್ನ 

ಕಂಗಳಲಿ
ಮುದ್ದಾದ 

ಮುತ್ತಾಗಬಾರದೇನೆ ಹುಡುಗಿ... ?

ರೂಪದರ್ಶಿ :::::: "ಕುಮಾರಿ ಅರ್ಪಿತಾ "
                           ಯಕ್ಷಗಾನ ಪ್ರತಿಭೆ 

ಬೆಳ್ಳಿಚುಕ್ಕಿ... ಮಿನುಗು ತಾರೆಗಳ ತಾರೆ... ನೀ ತಾರೆ... !

ಬಾ 

ಬಾರೆ ಹುಡುಗಿ 

ಭಾವ 

ಬಂಧನಕೆ ಭಾವವಾಗಿ..  

ನನ್ನೆದೆಯ ಮೌನದಲಿ

ನೀ

ಮೌನವಾಗಿ...

ತೇಲು

ಕನಸುಗಳ ರೆಕ್ಕೆಯಾಗಿ..

ನನ್ನ

ಕತ್ತಲ

ಮಾತಲಿ  ಮಿನುಗುವ

ಬೆಳ್ಳಿಚುಕ್ಕಿ 
ತಾರೆಗಳ ತಾರೆ... 

ನೀ

ತಾರೆ...

ಬಾ 

ಬಾರೆ ಹುಡುಗಿ 
ಭಾವ ಗೀತೆಯಾಗಿ.. 

                                                    ರೂಪದರ್ಶಿ  :::  " ಕುಮಾರಿ ಅರ್ಪಿತಾ "
                                                                               ಯಕ್ಷಗಾನ ಪ್ರತಿಭೆ 

ನಿನ್ನ .. ನೆನಪುಗಳ ಮಿನುಗು ಚಂದ... !!!

ಬಡಿದು

ಬಡ

ಬಡಿಸುವ

ಢವ

ಢವಗಳಿಗಿಂತ...

ಕದ್ದೂ

ಕದ್ದು

ಇಣುಕಿ .. ಕೆಣಕುವ

ನಿನ್ನ

ನೆನಪುಗಳ ಮಿನುಗು ಇನ್ನೂ ಚಂದ...  !!!

ನಾ ನಿದ್ದೆ.. ನೀ... ಸಿಹಿ ಕನಸು... !

ನಾ

ನಿದ್ದೆ..

ನೀ

ಸವಿ  ಕನಸು...

ನವಿರು

ಭಾವಗಳ ಮನಸು...

ಬಾ

ಹುಡುಗಾ
ನಗುವರಳಿಸು 

ಹೂ

ಕೆನ್ನೆಗಳ ಮೇಲೆ
ಸಿಹಿ 

ಮುದ್ದು ಮುತ್ತಿನ 
ಮಾತುಗಳು ಬಲು ಸೊಗಸು... !

ರೂಪದರ್ಶಿ  :::::   " ಅರ್ಪಿತಾ ಖೂರ್ಸೆ "  

ಸದ್ದಿಲ್ಲದೆ ಪಿಸುಗುಡುತ್ತಿದೆ.. ನನ್ನೆದೆಯ ಮೌನ....

ಸುಮ್ಮನೆ ಗುನುಗುತ್ತಿದೆ... 

ಸರಿಗಮ 

ಸಂಗೀತ..

ನನ್ನೆದೆಯ ಏಕಾಂತದಲಿ...

ನೀ

ನಿರದ

ನೀರವದಲಿ

ನಿನ್ನ

ನೆನಪಿನ ಕಲರವ...

ಸದ್ದಿಲ್ಲದೆ

ಪಿಸುಗುಡುವ

ನನ್ನ

ಮೌನದಲಿ

ಹಾಡಾಗು ಬಾ ನೀ ಹುಡುಗಿ...

ನನ್ನೆದೆಯಲ್ಲಿ.. ನೀ... ಮೌನವಾಗುವ ಹೊತ್ತು...

ಪ್ರೀತಿ

ನನ್ನೆದೆಯಲ್ಲಿ..

ಮೌನವಾಗುವ ಹೊತ್ತು...

ಈಗ

ಇದೀಗ ಇಣುಕಿದೆ... !

ಈ

ಏಕಾಂತ

ಬಿಸಿಯಾಗಿ 

ಉಸಿರಾಗುವ ಹೊತ್ತು...

ಅವಳ

ನೆನಪು 
ನನ್ನ ಕಣ್ಣಲ್ಲಿ.. 

ನಾಚಿ

ಮುಗುಳ್ನಗುವಾಗುವ ಹೊತ್ತು...

ನಿಂತು

ನೀ 

ಸ್ತಭ್ಧವಾಗಿಬಿಡು ..  ಓ  .. ಬದುಕೆ...



ರೂಪದರ್ಶಿ ::  .........ಆಶೀಷ್ ......... 

ಬಾ... ನನ್ನ ಕತ್ತಲಲಿ... ಮೌನ.. ಮಿನುಗುವ ಹಾಗೆ...

ಬದುಕಬೇಕಿದೆ...

ಖಾಲಿ

ಖಾಲಿ ಆಸೆಗಳ ಹೊತ್ತು...

ಅಲ್ಲಲ್ಲಿ

ತಾರೆಗಳ ಬೆಳಕು..

ಕತ್ತಲಲ್ಲಿ

ನಿನ್ನ 

ನೆನಪುಗಳ ಭಾರ...

ಅಲ್ಲಿ

ಮೋಡಗಳಾಚೆ.

ಬಾನಿನಂಗಳ ದಾಟಿ...

ಹಾರಿ

ತೇಲಿ ಹೋಗುವ ಬಾರೆ..

ಬಾ

ನನ್ನೆದೆಯ

ಒಂಟೀ

ಭಾವಗಳ ಚುಂಬಿಸು... 

ಬಾ...

ಹುಡುಗಿ..

  ಬಾ... 

ನನ್ನ

ಕತ್ತಲಲಿ

ಮೌನ ಮಿನುಗುವ ಹಾಗೆ...