ಉಸಿರು ಉಸಿರಲಿ ಉಲಿಯುವ ಭಾವ ..

ಉಸಿರು 

ಉಸಿರಲಿ ಉಲಿಯುವ 

ಭಾವ ..

ಹಸಿ ..

ಬಿಸಿಯಲಿ ಕಂಪಿಸುವ ..

ನನ್ನೆಲ್ಲ

ಢವ 

ಢವಗಳು ..

ಪಿಸು

ಮಾತಾಗಬಾರದೇನೆ .. .. ಹುಡುಗಿ....

ಈ

ತುಟಿಗಳಲಿ...

ನಿನ್ನ

ಕಣ್ಣಾಲಿಗಳಲಿ... .. ? ..



(ರೂಪದರ್ಶಿ  :: ಪಲ್ಲವಿ ಮತ್ತಿಘಟ್ಟ )
ಉದಯೋನ್ಮುಖ  ಕಿರುತೆರೆ, ಯಕ್ಷಗಾನ ಪ್ರತಿಭೆ 

ನನಗೆ ನೀನೆಂದರೆ ನೀನೇ ... ಕಣೆ... !

ನೀನೆಂದರೆ 
ನನಗೆ ನೀನೇ  .. ಕಣೆ... !

ಏನೆಲ್ಲ 

ನಕ್ಕರೂ  ನನ್ನ   ತುಟಿಗಳು...

ನನ್ನೊಳಗಿನ 

ಒಂಟಿ..

ಮುಗುಳ್ನಗು  ನೀನು  ಕಣೆ...

ನನ್ನೆಲ್ಲ 

ಆವರಿಸಿದ..

ನನ್ನಿಷ್ಟದ ಮೌನ..

ಮಾತು 

ಹಾಡುವ ಸುಂದರ ಅವ್ಯಕ್ತ ಭಾವ ನೀನು ... !

ನನ್ನ...
ತುಮುಲಗಳ ..
ಪ್ರೇಮ ಛಾಯೆಯ ಚಿತ್ತಾರ ..
ನಿನ್ನ ನೋಟ
ಒಳಗೊಳಗೆ ಮುತ್ತಿಕ್ಕುವದು.....

ಹೇಯ್ .. 
ಹುಡುಗಿ

ನನಗೆ ..

ನೀನೆಂದರೆ  ನೀನೇ ... ಕಣೆ... !!!


(ರೂಪದರ್ಶಿ  :: ಸಮನ್ವಯಾ ಸುದರ್ಶನ್ )

ಚುಕ್ಕಿ.. ತಾರೆ.. ಚಂದ್ರಮ ಬರಬೇಕಿಲ್ಲ ಕಣೆ... !

ಚುಕ್ಕಿ..

ತಾರೆ..

ಬೆಳ್ಳಿ ಚಂದ್ರಮ ಬರಬೇಕಿಲ್ಲ ಕಣೆ... !
ಈ 

ನಿನ್ನ

ಒಂದು 

ಹೂ  ನಗು  ಸಾಕು....

ನನ್ನೀ..

ಒಂಟಿ .. ಕತ್ತಲ 
ಮನದ ..

ಹುಣ್ಣಿಮೆ  ಬೆಳದಿಂಗಳ  ಸಂಭ್ರಮಕೆ.... !

ಬಾ .... ಗೆಳತಿ... ಗೆಜ್ಜೆ ಕಟ್ಟುವೆ ...

ನನ್ನೆದೆಯ ..

ಮೌನ

ಭಾವ 

ಕಣ್ಣಲ್ಲೇ...  ತುಂಬಿ..

ರಂಗು 

ರಂಗಿನ ಗೆಜ್ಜೆ  ಕಟ್ಟುವೆ ಬಾ ಗೆಳತಿ ...

ನನ್ನ..

ಪ್ರೇಮದ

ಕಂಪನದ  ಧ್ವನಿಯಾಗಿ ....

ಲಯ

ತಪ್ಪಿದ  ತಾಳದಲಿ...

ಪ್ರೀತಿ ..
ಹೆಜ್ಜೆಯ 

  ಗೆಜ್ಜೆ  ಕಟ್ಟುವೆ  ಬಾ  ಗೆಳತಿ...

ನೀರೆ.. ನಿನ್ಯಾರೆ..? ..

ಒಳಗೆ..

ಕತ್ತಲೆ ..

ಚಂದ್ರಮನಿಲ್ಲದ ..

ತಾರೆಗಳ  ಮಿಣುಕು..

ನಿನ್ನ

ನೆನಪುಗಳ ಗಾಢ ಮೌನ.. ..

ಇಳಿದು..

ಎಳೆಯುವ.. 

ನೋವು ಎದೆಯಲಿ..

ಬಾರದ

ಹನಿ  ಹನಿಗಳ  ಭಾವ.....

ನಿಜ ಹೇಳೆ ..

ನೀರೆ..

ನಿನ್ಯಾರೆ..?

ನೀ..

ಬರಿ .. ನೀರೇ..... ?

ನೀ... ಹಚ್ಚಿದ ನೆನಪುಗಳು...

ದಿನಗಳು...

ಕ್ಷಣ

ಕ್ಷಣಗಳು

ಕಳೆ

ಕಳೆದು ಹೋದರೂ...

ಬಿಡಲಾಗದೇ

ಬಿಗಿದಪ್ಪಿವೆ...

ಈ 

ನನ್ನ

ಕನಸುಗಳಿಗೆ..

ನಿನ್ನ

ನೆನಪುಗಳ ಮೇಲೆ

ಇನ್ನೂ 
ಆಸೆಗಳ ಹುಚ್ಚು  ಕಣೆ .....

ಆಗಲೂ ಈಗಲೂ .. ಸಿಕ್ಕಿದ್ದವು ..ಹೂಗಳು ನನಗೆ...

ಸಿಕ್ಕಿದ್ದವು ಹೂಗಳು ನನಗೆ...


ನಕ್ಕಿದ್ದವು..
ಕೆಲವಷ್ಟು ನೂಕಿದ್ದವು...
ಚಚ್ಚಿ 
ಚುಚ್ಚಿದ್ದವು...
ರಕ್ತ ನೋವು ತಂದಿದ್ದವು...


ಸಿಕ್ಕಿದ್ದವು ಹೂಗಳು ನನಗೆ...


ಹಾರಿ
ಹೋಗಿದ್ದವು ಹಲವು...
ಹಿಂದೆ 
ಉಳಿದು ಬಿಟ್ಟಿದ್ದವು ..
ಕೆಲವು
ಬಿಸಿಲಿಗೆ ಬಾಡಿ ಹೋಗಿದ್ದವು..


ಮೊಗ್ಗು
ಅರಳಿದ್ದವು..
ಹಸಿರು ಹುಲ್ಲು ಹಾಸುಗಳಾಗಿದ್ದವು..
ಬದುಕಿನುದ್ದಕ್ಕೂ..
ಸುಂದರ 
 ಪುಳಕದ ಪಕಳೆ ಪರಿಮಳಗಳಾಗಿ..
ಜೊತೆ ಜೊತೆಯಾಗಿದ್ದವು..


ಗುರುತು
ಇಟ್ಟಿದ್ದವು ಕೆಲವು... 
ಕಾಣದೆ 
ಕಾಲದೊಳಗೆ ಕಲೆತುಹೋಗಿದ್ದವು ಹಲವು..
ಮರೆಯದೆ..
ಮರೆಯಾಗದೆ ಉಳಿದು ಬಿಟ್ಟಿದ್ದು ನನ್ನೊಲವು...


ಆಗಲೂ..
ಈಗಲೂ
ಸಿಕ್ಕಿದ್ದವು ಹೂಗಳು ನನಗೆ...