Wednesday, July 25, 2012

ಆಗಲೂ ಈಗಲೂ .. ಸಿಕ್ಕಿದ್ದವು ..ಹೂಗಳು ನನಗೆ...



ಸಿಕ್ಕಿದ್ದವು ಹೂಗಳು ನನಗೆ...


ನಕ್ಕಿದ್ದವು..
ಕೆಲವಷ್ಟು ನೂಕಿದ್ದವು...
ಚಚ್ಚಿ 
ಚುಚ್ಚಿದ್ದವು...
ರಕ್ತ ನೋವು ತಂದಿದ್ದವು...


ಸಿಕ್ಕಿದ್ದವು ಹೂಗಳು ನನಗೆ...


ಹಾರಿ
ಹೋಗಿದ್ದವು ಹಲವು...
ಹಿಂದೆ 
ಉಳಿದು ಬಿಟ್ಟಿದ್ದವು ..
ಕೆಲವು
ಬಿಸಿಲಿಗೆ ಬಾಡಿ ಹೋಗಿದ್ದವು..


ಮೊಗ್ಗು
ಅರಳಿದ್ದವು..
ಹಸಿರು ಹುಲ್ಲು ಹಾಸುಗಳಾಗಿದ್ದವು..
ಬದುಕಿನುದ್ದಕ್ಕೂ..
ಸುಂದರ 
 ಪುಳಕದ ಪಕಳೆ ಪರಿಮಳಗಳಾಗಿ..
ಜೊತೆ ಜೊತೆಯಾಗಿದ್ದವು..


ಗುರುತು
ಇಟ್ಟಿದ್ದವು ಕೆಲವು... 
ಕಾಣದೆ 
ಕಾಲದೊಳಗೆ ಕಲೆತುಹೋಗಿದ್ದವು ಹಲವು..
ಮರೆಯದೆ..
ಮರೆಯಾಗದೆ ಉಳಿದು ಬಿಟ್ಟಿದ್ದು ನನ್ನೊಲವು...


ಆಗಲೂ..
ಈಗಲೂ
ಸಿಕ್ಕಿದ್ದವು ಹೂಗಳು ನನಗೆ...


Thursday, July 12, 2012

ಎಂದಿಗೂ ದೂರಿಲ್ಲದ .. ಆ ಹತ್ತಿರದ ಬದುಕು.... ...!


ಅದೇ
ಪುಟ್ಟ ಗೂಡು...
ಬೆಚ್ಚಗಿನ 
ಆಸೆಗಳು ನೂರಾರು ಭರವಸೆ.. !


ಕಣ್ಣಂಚಿನಲೇ ..
ನಗು...
ಮೌನ
ಮಾತುಗಳ  ಕೊನೆಯಾಗದ  ಕನಸುಗಳು... !


ಹೇಯ್..
ಅಲ್ಲಿಗೇ ..
ಹೋಗೋಣ  ಬಾರೆ..
ಮತ್ತೊಮ್ಮೆ
ನಲ್ಲೆ....
ಎಂದಿಗೂ..
ದೂರಿಲ್ಲದ ..
ಆ 
   ಹತ್ತಿರದ  ಬದುಕು.... ... !

( photo :: Ashish )