ನಗುತ್ತಾನೆ ... ನನ್ನಾಗಸದ... ಪ್ರೇಮ ಬಿದಿಗೆ ಚಂದ್ರಮ...!

ನಾ

ಬಚ್ಚಿಟ್ಟ...

ಭಾವ 

ಕತ್ತಲೆಯಲ್ಲಿ ಮಿನುಗುತ್ತವೆ

ಬೆಳ್ಳಿ 

ಚುಕ್ಕಿ ತಾರೆಗಳು...

ಇಂದಿಗೂ

ನಗು 
ನಗುತ್ತಾನೆ ... 
ಗುನುಗುತ್ತಾನೆ.. 

ನನ್ನಾಗಸದ... 

ಪ್ರೇಮ 
ಬಿದಿಗೆ ಚಂದ್ರಮ...

ಹೇಯ್

ಏನೆಲ್ಲ ಇತ್ತೆ...

ಹುಡುಗಿ

ನಿನ್ನ

ಅಂದಿನ  ಆ  ನೋಟದಲ್ಲಿ... !


(ರೂಪದರ್ಶಿ  :: ಕುಮಾರಿ ಅರ್ಪಿತಾ ಕೂರ್ಸೆ)

ನೀ.. ನನ್ನ ಮೌನಗಳ ಜೊತೆ.. ಮಾತಾಗು...

ನೀ..

ನನ್ನೆದೆಯ

ಢವ..

ಢವಗಳ ಭಾವಗಳಿಗೆ ತುಟಿಯಾಗು...

ನಿನ್ನ

ನೆನಪುಗಳಲಿ.. 

ಹತ್ತಾರು ಹುಚ್ಚಾಸೆಗಳ

ಕೆದಕುವ

ನನ್ನೊಳಗೊಂದು 

ಒಂಟಿ 

ಏಕಾಂತದ ಮುಸ್ಸಂಜೆಯಾಗು...

ಬಾರೋ . .. 

ಗೆಳೆಯಾ.. ಬಾ... 

ಈ 

ನನ್ನ

ಮೌನಗಳ ಜೊತೆ ಮಾತಾಗು...

ಸುಂದರ ಹೂವುಗಳೂ .. ನಗುತ್ತವೆ ನನ್ನೊಡನೆ... !

ಗೊತ್ತೇ..

ಇರಲಿಲ್ಲ ಕಣೆ ಹುಡುಗಿ... !

ನನ್ನೆದೆಯ

ಢವ 

ಢವದಲ್ಲಿ

ಏನೆಲ್ಲ ಮಾತಾಡುತ್ತವೆ...

ಈ 

ಕಣ್ಣುಗಳು... !

ಒಳಗೊಳಗೇ..

ಗುನುಗುತ್ತವೆ.. ಹಾಡುಗಳು... !

ಸುಂದರ

ಹೂವುಗಳೂ ..

ನಗುತ್ತವೆ...  ನನ್ನೊಡನೆ  ! ! 

ಗೊತ್ತೇ..

ಇರಲಿಲ್ಲ  ಕಣೆ  ಹುಡುಗಿ...
ನಾ... 

ನಿನ್ನ ನೋಡುವ  ಮೊದಲು !

( ರೂಪದರ್ಶಿ ::  ಅರ್ಪಿತಾ ಕೂರ್ಸೆ.. )

ನವಿರು ಭಾವಗಳ ಆಸೆ .. ಈ ... ಕಂಗಳಲಿ ಮಾತಾಗುತ್ತವೆ...

ನವಿರು

ಭಾವಗಳ ಆಸೆ..

ಕಂಪನ

ಈ 

ಕಂಗಳಲಿ ಮಾತಾಗುತ್ತವೆ...

ಒಂಟಿ

ಹೃದಯದ

ಕತ್ತಲ 

ಮೌನಗಳು ಹಾಡಾಗುತ್ತವೆ...

ನಲ್ಲೆ.. 

ಒಳಗೊಳಗೇ..

ಉಳಿದು

ಉಲಿಯುವ

ನನ್ನೆದೆಯ ಢವ.. ಢವಗಳ 

ಮೂಕ 

ಬಡಿತಗಳಿಗೆ ಭಾಷೆಯಿಲ್ಲ ಕಣೆ.. 

ಪಿಸುಗುಟ್ಟಿದ.. ಹಸಿ ತುಟಿಗಳ ಕಚಗುಳಿ ..

ಖಾಲಿ 

ಖಾಲಿ  ಏಕಾಂತ.....

ಈ

ನನ್ನ... 

ಮೌನಗಳು 

ಮಾತನಾಡುವ ನಿರೀಕ್ಷೆಗಳು...

ಅಂದು

ನಸುನಕ್ಕು

ಪಿಸುಗುಟ್ಟಿದ.. 

ಹಸಿ 

ತುಟಿಗಳ 
ಕಚಗುಳಿ ಇನ್ನೂ.. ನನ್ನೆದೆಯಲ್ಲಿದೆ ....

ಹೇಯ್..
ಹುಡುಗಾ.... 

ನಾ 

ಒಂಟಿ 

ಒಬ್ಬಂಟಿಯಲ್ಲ  ಕಣೊ... ..

ನೀ

ಬಿಟ್ಟು ಹೋದ

ನಿನ್ನ ..
ಬೇಡಗಳು 
ಜೊತೆಯಲ್ಲೇ ....

ಇವೆ

ಜೊತೆಯಾಗಿವೆ...

(ರೂಪದರ್ಶಿ : ಭಾರತಿ ಶಂಕರ್ 

ಗೋವಾ.. )

ಭಾವಕೂ ನಿಲುಕದ .. ..ನಿತ್ಯ ಬದುಕಿನ .. ಬಣ್ಣದೋಕುಳಿ .. !

ಕಳೆ

ಕಳೆದ ಕಾಲ ಬಳಿದ .. 

ಕಪ್ಪು

ಬಿಳಿಗಳ ಜೊತೆ ...

ಮತ್ತೆ

ಮತ್ತೆ ಚಿಗುರಿಸುವೆಯಲ್ಲೆ 

ಅದೇ.. 

ಹುಚ್ಚು ಹಸಿರಿನ ಮೊಗ್ಗು..

ಎನ್ನ

ಮನದಂಗಳದಿ.. 

ಚುಕ್ಕಿ

ತಾರೆಗಳಾಡುವ ಪಿಸು ಮಾತು..

ಹಳತು 
ಹಳಸದೆ ಹಾಡುವೆಯಲ್ಲೆ..

ನವ

ನವಿರು 

ನೆನಪು ಕನಸುಗಳ ಗುಂಗಿನ ಗುನುಗು.... 

ನಲ್ಲೇ..

ಭಾವಕೂ..  ನಿಲುಕದ 

ನೀ.. 

ನಿತ್ಯ 

ಬದುಕಿನ 

ಬಣ್ಣ 

ಬಣ್ಣದ ರಂಗಿನೋಕುಳಿ.. ಕಣೆ ..!

ನಾಚಿಕೆ ನವೀರಾಗಿ... ನಾಚಿ ನೀರಾಗಿ...

ನಾಚಿಕೆ

ನವೀರಾಗಿ...

ನಾಚಿ

ಪ್ರೇಮದ ..

ಬಣ್ಣ 

ಕೆನ್ನೆಯಲಿ ರಂಗಾಗಿ...

ಮಧುರ

ಭಾವಗಳು.. ಕಣ್ಮುಚ್ಚಿ..

ಅಧರದಲಿ 
ಕಂಪಿಸುವ..

ಸಾವಿರ ಮಾತುಗಳ ಸಿಹಿ...

ಮುತ್ತು

ನಾನಾಗಲೇನೆ   ಹುಡುಗಿ.. ?...